elferclassix Spritztour 2003


Sonntag, 13. Juli 2003

Strecke:
Aschheim b. München - Landsham - Pliening - Finsing - Neuching - Moosining - Notzing - Schwaig - Gaden - Oberhummel - Langenbach - Gerlhausen - Appersdorf - Nandlstadt - Au i.d. Hallertau - Mittagspause - Abens - Sünzhausen - Scheyern - Jetzendorf - Niederdorf - Kaffeepause - Allershausen - München (ca. 150km)



So a scheena dog ...


Inspiriert durch die lustigen und lebhaften Diskussionen von Nordlichtern und Bayern über die bayrische Mundart, gibts den Bericht diesmal in bayrisch !


Oiso dann pack mas ...


Dankschön Petrus fürs tolle Wetter. I glaub' du dauscht dein himmlischen Schlittn auch manchmoi gegen an Borsche aus :))



ontour

Droffa habn ma uns olle beim Gasthof zur Post in Aschheim bei am Haferl Kaffee (was sind bitte Semmeln oder Brezn, ich kenn nur Teilchen ?). As Wetter war super mit vui Sonna und so 28 Grod. Oiso beste Voraussetzunga zum umanandafahrn mit unsere Borsche. Und scheinbar hobn a einige nix bessers vorghabt und san mit ernere oidn Kistn kumma. Insgesamt warn ma dann elfe und da Jürgen is sogar von Forchheim bei Nürnbersch mit seim 964 RS obekemma. War zwar no net so oid, aber dafür super beinand und ois original. Des hobn ma natürlich olle super gfundn. Ausserdem is no a 356 Cabrio mitgfahrn - a net schlecht. Ja und de andern - de hobn ernere Kisten extra butzt, damits ja schee ausschaugn für de Spritztour - des war a Spitze !


Umma 11e samma dann losgfahrn über kloane Landstraßn mit wenig Verkehr. Des hod richtig Spaß gmacht zwischen Korn- und Maisfelda durchfahrn, auf und nieder (immer wieder), links und rechts oder auf Alleestraßn dahiebohrn. Supa Lob an unsern Pfadfinder Bäda und Marion, die a supa Streckn ausgsucht hobn. Und wennst dann lauter dolle Borsche in verschiedene Farbn unter blauem Himme und grüne Felda wia an der Schnur zogn fahrn siegst, dann geht jedem Borschefan as Herz auf. Und so samma dann im Schloßbräukeller Au i.d. Hallertau okemma.


Do hobn ma dann unsere Borsche und uns a kloina Abkühlung (was ist bitte ein Radler oder ein Russnmaß?) und a Stärkung ( was ist bitte ein Fleischpflanzerl oder ein Lebakäs?) gönnt. De Wirtin war von unsere Borsche so begeistert, daß uns glei ummasonst a Vorspeiß hiegsteit hod - Merci.


Dann samma olle weitergradelt zum Kaffeedrinka in de Gast- und Tafernwirtschaft in Niederdorf. A paar hobn gmoint sie miasn nach dem vuin Mittagessen zum "Caffee Machiatto" (ja wos is jetzt des ?) no an Kucha essen, naja, hauptsach sie hods net zrissn.


Und dann, naja, dann samma wieder hoam gfahrn.


I hoff, es hod eich olle gfoin und vielleicht seign ma uns ja wieder. Des dad me gfrein ...


Ihr Nordlichter verstehts doch einen Spaß und nehmts mir diesen Bericht nicht übel, gell :)


On the road On the road On the road On the road On the road
Innenhof Schloßwirtschaft Innenhof Schloßwirtschaft Innenhof Schloßwirtschaft Gast- und Tafernwirtschaft Gast- und Tafernwirtschaft

Mit freundlicher Lichthupe,
Franz und Monika

Home 12345 zurück 12345 top